Roman Grıgorchýk «Astananyń» bas bapkeri qyzmetinen ketti

NUR-SULTAN. QazAqparat - Ýkraınalyq fýtbol mamany Roman Grıgorchýk elordalyq «Astana» komandasynyń bas bapkeri qyzmetinen ketti, dep habarlaıdy QazAqparat klýbtyń saıtyna silteme jasap.

Roman Grıgorchýk 2018-2019 jyldarda azdaǵan úzilispen «Astanaǵa» basshylyq etti. Byltyr onyń basshylyǵymen komanda Qazaqstan Premer-lıgasynda chempıon atanyp, Eýropa lıgasy toptyq kezeńinde synǵa tústi.

R. Grıgorchýk fýtbolshylyq ómirinde 1988-2000 jyldarda Ýkraına, Avstrııa, Polsha, Reseı, Latvııa elderinde oıyn kórsetken. Al óziniń bapkerlik qyzmetinde ol Latvııanyń «Dınabýrg», «Ventspıls», Ýkraınanyń «Metallýrg» (Zaporoje), «Chernomorets» (Odessa), Ázerbaıjannyń «Gabala» komandalaryna jetekshilik jasady.

Sondaı-aq, klýbta bas bapkerdiń kómekshileri qyzmetin atqarǵan Mıhaıl Savka, Anatolıı Korotıa jáne qaqpashylar bapkeri Andreı Glýşenko da «Astanadan» ketti.

Jańa bapkerdiń esimi jaqyn kúnderde belgili bolady.