Rollan Seısenbaev: Abaı kúni – qazaq mádenıeti men ádebıetiniń kúni

ALMATY. QazAqparat - Qazaqstannyń qoǵamdyq-saıası qaıratkeri Rollan Seısenbaev Abaı kúnin merekeleý týraly pikirin aıtty, dep habarlaıdy QazAqparat tilshisi.

«Abaı kúni - qazaqtardyń mádenıeti, ádebıeti men poezııasy kúni. Abaı kúni - qazaq halqynyń rýhy. Bul kún biz úshin árqashan qasıetti bolýy kerek, óıtkeni bul uly poezııa kúni. Bul kúni Gete, Pýshkın, Shıller sııaqty álemniń barlyq uly aqyndary týraly aıtýǵa bolady. Olar adamdardy osy álem keńistigin tanyp bilýge jeteleıdi. Abaı - búkil ómirin qazaqtardy ult etýge arnaǵan danyshpan tulǵa. Búgin biz naǵyz myqty uly memleket bolý jolynda turǵan qazaqpyz «, - dedi R.Seısenbaev.

Eske salaıyq, Qazaqstan Úkimetiniń qaýlysymen 10 tamyz Abaı kúni bolyp belgilendi.

Búgin elimizdiń zııaly qaýym ókilderi Almaty jáne Nur-Sultan qalalaryndaǵy Abaı eskertkishterine gúl shoqtaryn qoıdy.