Rolan Garros týrnırinde qazaqstandyqtar jarys jolynan shyǵyp qaldy

ASTANA. QazAqparat – Qazaqstandyqtar Anna Danılına men Aleksandr Nedovesov Rolan Garros týrnırinde jarys jolynan shyǵyp qaldy, dep habarlaıdy QazAqparat tilshisi.

Qazaqstannyń juptyq syndaǵy birinshi, álemniń 25-raketkasy A.Danılına majarstandyq Tımeıa Baboshpen birge ekinshi aınalymda taıbeılikter Latısha Chan — Hao-Chın Chanmen kezdesti.

Qazaqstandyq-majarstandyq jup bir saǵat jarymnan astam ýaqytqa sozylǵan matchta 6:7 (3:7), 3:6 esebimen jeńilis tapty.

A.Nedovesov meksıkalyq Mıgel Anhel Reıes-Varelamen birge shırek fınalǵa shyǵa almady. Olar úshinshi aınalymda dodanyń 1-raketkalary, nıderlandylyq Ýeslı Kolhof – ulybrıtanııalyq Nıl Skýpskıge jol berdi – 5:7, 4:6. Bul báseke saǵat jarymǵa jýyq ýaqytqa sozyldy.

Osylaısha, Frantsııa ashyq chempıonatynda Qazaqstannan eshkim qalmady.

Eske sala keteıik, budan buryn Rolan Garrosta Qazaqstan tennısshi qyzdary úzdik úshtikke engenin jazǵan edik.

ıÝlııa Pýtıntseva Rolan Garros týrnırinde AQSh chempıonyna jol berdi.

Tennısshi Beıbit Juqaev AQSh-taǵy jarystyń jartylaı fınalyna ótti.

Elena Rybakına Rolan Garros matchyna nege shyqpaǵanyn túsindirdi.