Rolan Garros týrnıri: Tımofeı Skatov irikteý saıystarynyń fınalyna ótti
Qazaqstandyq tennısshi irikteý saıystarynyń jartylaı fınalynda álemniń 119-raketkasy, fınlıandııalyq Otto Vırtanenmen sheberlik baıqasty.
Birinshi partııada fın tennısshisi 6:4 esebimen basym tústi.
Esesine ekinshi sette qazaqstandyq sportshy ese qaıyrdy – 6:2. Ol úshinshi, sheshýshi partııada da 3:0 esebimen alǵa ketti. Budan keıin O.Vırtanen tarazy basyn teńestirdi. Degenmen T.Skatov matchty taǵy bir breıkpen túıindedi – 7:5.
Eki saǵat 45 mınýtqa sozylǵan tartysty báseke barysynda Tımofeı 12 breık-poınttyń beseýin paıdalandy. Qarsylasy 5 eıs, 3 breıkpen (14 breık-poınt) kózge tústi.
T.Skatov irikteý saıystarynyń fınalynda álemniń 165-raketkasy Melıgenı Rodrıges Alves Felıpemen oınaıdy. Ol reıtıngte 145-satydaǵy chılılik Tomas Barrıosty tize búktirdi 6:3, 6:3.
Eger T.Skatov brazılııalyq tennısshini utsa, alǵash ret Rolan Garrostyń negizgi dodasyna joldama alady.
Qazaqstandyq Aleksandr Nedovesov meksıkalyq Mıgel Anhel Reıes-Varelamen birge juptyq synda Frantsııada Lıon ATR 250 týrnıriniń jartylaı fınalyna shyǵa almady. Olar jarystyń birinshi raketkalary, amerıkalyq Radjıv Ram – ulybrıtanııalyq Djo Selısberıge jol berdi – 6:4, 3:6, 6:10.
Sondaı-aq Qazaqstannyń áıelder arasynda juptyq syndaǵy birinshi, álemniń 24-raketkasy Anna Danılına Rabat (Marokko) WTA 250 jarysynyń shırek fınalynda amerıkalyq Sabrına Santamarııa – reseılik ıAna Sızıkovadan oısyraı jeńildi – 3:6, 1:6.
Eske sala keteıik, budan buryn ıÝlııa Pýtıntsevanyń Rabat týrnıriniń shırek fınalyna shyqqanyn jazǵan bolatynbyz.
Sondaı-aq tennısten Qazaqstan quramasynyń álem chempıonatyndaǵy qarsylastary anyqtaldy.