Rolan Garros týrnıri: Skatov pen Golýbev jarys jolynan shyǵyp qaldy

ASTANA. QazAqparat – Qazaqstandyqtar Tımofeı Skatov pen Andreı Golýbev Rolan Garros týrnırinde jarys jolynan shyǵyp qaldy, dep habarlaıdy QazAqparat tilshisi.

Dúnıejúzilik reıtıngte 147-orynda turǵan T.Skatov jekeleı synda alǵashqy aınalymda álemniń 29-raketkasy, bolgarııalyq Grıgor Dımıtrovpen oınady.

Tájirıbeli G.Dımıtrov 6:0, 6:3, 6:2 esebimen jeńiske jetti.

Eki saǵatqa jýyq ýaqytqa sozylǵan báseke barysynda bolgarııalyq tennısshi 10 eıspen birge 10 breık-poınttyń jeteýin paıdalandy. T.Skatov 1 breıkpen (5 breık-poınt) shekteldi.

Bul 22 jastaǵy T.Skatovtyń Rolan Garrostyń negizgi týrnırinde alǵash ret óner kórsetýi edi.

Taǵy bir qazaqstandyq Andreı Golýbev ekvadorlyq Gonsalo Eskobarmen birge juptyq synda dodanyń 1-raketkalary, nıderlandylyq Ýes Kolhof – ulybrıtanııalyq Nıl Skýpskıge jol berdi – 3:6, 5:7.

Eske sala keteıik, budan buryn ıÝlııa Pýtıntsevanyń Rolan Garros týrnıriniń ekinshi aınalymyna shyqqanyn jazǵan bolatynbyz.

Sondaı-aq Rolan Garrostyń alǵashqy aınalymynda jeńiske jetken ıÝlııa Pýtıntsevadan suhbat alǵan edik.

Aleksandr Býblık Rolan Garros týrnırinde jeńilip qaldy.

Al Elena Rybakına Rolan Garros jarysyn jeńispen bastady. Ol baspasóz máslıhatynda kelesi oıynnyń ońaıǵa túspeıtinin aıtty.