Rolan Garros týrnıri: Elena Rybakına bastaǵan qazaqstandyq tennısshilerdiń qarsylastary anyqtaldy
E.Rybakına alǵashqy aınalymda dúnıejúzilik reıtıngide 86-orynda turǵan belgııalyq Grete Mınnenmen sheberlik baıqasady.
Qos tennısshi osyǵan deıin 2020 jyly Aýstralııa ashyq chempıonaty men Strasbýrgte (Frantsııa) ózara kezdesip, ekeýinde de Rybakına basym túsken edi.
Ótken jyly E.Rybakına Rolan Garros týrnıriniń úshinshi aınalymyna deıin jetip, sodan keıin densaýlyǵyna baılanysty ıspanııalyq Sara Sorrıbes-Tormomen básekege shyǵýdan bas tartqan bolatyn.
Taǵy bir qazaqstandyq, álemniń 37-raketkasy ıÝlııa Pýtıntseva reıtıngide 35-satydaǵy amerıkalyq, 2017 jylǵy AQSh chempıonatynyń jeńimpazy Sloan Stıvenspen kortqa shyǵady. Bıyl ıÝ.Pýtıntseva S.Stıvensti Rım WTA 1000 jarysynda 6:3, 6:2 esebimen jeńdi.
Qazaqstannyń erler arasynda birinshi, álemniń 19-raketkasy Aleksandr Býblık alǵashqy aınalymda irikteý saıysy jeńimpazdarynyń birimen oınaıdy.
Álemniń 61-raketkasy Aleksandr Shevchenko reıtıngide 82-oryndaǵy reseılik Aslan Karatsevtan ótýge tyrysyp kóredi.
Taǵy bir qazaqstandyq Mıhaıl Kýkýshkın irikteý saıystarynyń fınalynda ıtalııalyq Franchesko Maestrellıdi utsa, negizgi jarysqa qosylady.
Sondaı-aq Rolan Garros dodasynda juptyq synda Anna Danılına men Aleksandr Nedovesov baq synaıdy.
Frantsııa ashyq chempıonaty 26 mamyrda bastalyp, 9 maýsymda máresine jetedi.
A.Shevchenko Jeneva (Shveıtsarııa) ATP 250 týrnıriniń shırek fınalynda ıtalııalyq Flavıo Kobollıden jeńilis tapty – 4:6, 4:6. Sóıtip ol jartylaı fınaldan tys qaldy.
Eske sala keteıik, budan buryn Tımofeı Skatovtyń Germanııadaǵy jarystyń jartylaı fınalyna ótkenin jazǵan bolatynbyz.
Sondaı-aq Aleksandr Býblık Frantsııadaǵy týrnırdiń jartylaı fınalynda oınaıdy.
Anna Danılına Marokkodaǵy týrnırdiń fınalyna joldama aldy.