PARIJ. KAZINFORM – 17 jastaǵy qazaqstandyq tenıısshi Ámir Omarhanov juptyq synda jasóspirimder arasynda Rolan Garros týrnıriniń shırek fınalyna shyqty.
Qazaqstandyq jas tennısshi reseılik Tımofeı Derepaskomen birge ekinshi aınalymda jarystyń 5-raketkalary, frantsııalyq Charlı Kamıý – aýstralııalyq Haıden Djonspen synǵa tústi.
Tartysqa toly birinshi partııa taı-breıkke deıin sozylyp, qazaqstandyq-reseılik jup sheshýshi sátte jeńiske jetti – 7:6 (7:4). Ekinshi sette Omarhanov – Derepasko úsh breık jasap, matchty jeńispen támamdady – 6:2. Oıyn 1 saǵat 15 mınýtqa sozyldy.
Ámir Omarhanov – Tımofeı Derepaskonyń shırek fınaldaǵy qarsylastary keıin anyqtalady.
Búgin Parıjde Qazaqstannyń birinshi, álemniń 4-raketkasy Elena Rybakına dúnıejúzilik reıtıngide 15-oryndaǵy ıtalııalyq ıAsmıne Paolınımen jartylaı fınal joldamasy úshin talasady. Báseke Astana ýaqytymen saǵat 17.15-ke belgilengen.
Eske sala keteıik, budan buryn Beıbit Juqaevtyń Ulybrıtanııadaǵy dodany jeńispen bastaǵanyn jazǵan bolatynbyz. Sondaı-aq Jibek Qulambaeva Italııadaǵy jarystyń jartylaı fınalyna ótti.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).