Rodınalyqtar «Týǵan jer» baǵdarlamasynyń jemisin kórýde - Aqmola oblysy
Eske sala keteıik, búgin «Rodına» agrofırmasy» JShS bazasynda agroónerkásip keshenin damytý máseleleri boıynsha ǵylymı-konsýltatıvtik keńestiń otyrysy ótýde. Oǵan aýdan, qala əkimderi, óńirlik kásipkerler palatasy, A.I.Baraev atyndaǵy astyq sharýashylyǵy óndiristik ortalyǵynyń, Ulttyq agrarlyq ǵylymı-oqytý ortalyǵynyń mal sharýashylyǵy jəne ósimdik sharýashylyǵy Soltústik Qazaqstan ǴZI ókilderi, aýyl sharýashylyǵy qurylymdarynyń basshylary men agranomdarynan quralǵan 200 astam adam qatysýda.
Keńeste baıandama jasaǵan «Rodına» agrofırmasy» JShS basshysy Ivan Saýer bıznestiń áleýmettik jaýapkershiligi sheńberinde atqarlyǵan jumystar týraly aıtyp berdi. Qonaqtarǵa Ivan Adamovıch «Týǵan jer» baǵdarlamasy boıynsha kúrdeli jóndeý jumystary júrgizilgen dárigerlik ambýlatorııanyń ishin aralatyp kórsetti.
Aıtalyq, Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasyndaǵy mindetterdi júzege asyrý boıynsha alǵashqylardyń bolyp qol ushyn sozǵan kásipkerlerdiń biri - osy Ivan Saýer.
Kásipker óziniń 30 mıllıon teńge qarajaty esebinen aýyldaǵy dárigerlik ambýlatorııaǵa kúrdeli jóndeý jumystaryn júrgizdi jáne kúndizgi statsıonar ǵımaratyn salyp berdi.
Oǵan qosa, Zelenyı Gaı aýylyndaǵy mádenı-saýyqtyrý keshenin qalpyna keltirýde.
«Munda medıtsınalyq mekemeniń tolyqqandy jumys isteýine barlyq jaǵdaı jasalynǵan. Stomotologııa jáne fızıokabınet jabdyqtalǵan. Okýrgtegi tórt aýyldaǵy 2000 astam adamǵa medıtsınalyq qyzmet kórsetiletin bolady. Ózim jaqynda Astanadaǵy medıtsınalyq ýnıversıtetti támamdap, osynda «Dıplommen aýylǵa» baǵdarlamasy boıynsha keldim. Meni seriktestik basshysy baspanamen qamtamasyz etti», - deıdi aǵa dáriger Alena Zlodeeva.
Al, zeınetker Anna Ivanova bolsa, jergilikti dárigerler qyzmetiniń sapasyna joǵary baǵa berip otyr.
Sonymen qatar, I.Saýer qonaqtarǵa óz basqaratyn «Rodına» agrofırmasy» JShS áleýmettik-óndiristik nysandaryn aralatyp kórsetti. Onyń ishinde jabyq hokkeı korty, sán salony, kitaphana, mádenı jáne demalý saıabaǵy, sút zaýyty sııaqty nysandar bar.