Rızabek Aıtmuhan jyldyń qorytyndy reıtınginde kósh bastady

<p><strong>Birikken kúres álemi (UWW) erkin kúresten jyldyń qorytyndy reıtıngin jasady. Onda úzdik balýandar tizimi jarııalandy. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://olympic.kz/kk/article/28991" target="_blank" rel="noopener">Olympic.kz</a>-ke silteme jasap habarlaıdy.&nbsp;&nbsp;</strong></p>

Erkin kúresten Qazaqstannyń tuńǵysh álem chempıony Rızabek Aıtmuhan 92 kelige deıingi salmaqta kósh bastap tur. Ekinshi orynda Grýzııa, úshinshi satyda Ázerbaıjan balýany jaıǵasqan. 

86 kelige deıingi salmaqta álem chempıonatynyń qola júldegeri atanǵan Azamat Dáýletbekov reıtınginiń ekinshi satysynda tur. Ol bul kestede áıgili Hasan ıAzdanıdi basyp ozǵan. 

79 kelige deıingi salmaqta Azııa chempıony Bolat Saqaev tórtinshi orynǵa turaqtady. 

Aıta ketelik, reıtıngini túzý barysynda balýandardyń álem, qurlyq chempıonattary men Azııa oıyndarynda kórsetken nátıjeleri esepke alyndy.