Rızabek Aıtmuhan 24 jyldan keıingi tarıhı altyndy jeńip aldy

<p>ASTANA. KAZINFORM - Erkin kúresten Ulttyq qurama sportshysy Rızabek Aıtmuhan (97 kg) Ispanııanyń Pontevedra qalasynda 20 jasqa deıingi balýandar arasyndaǵy álem chempıonatynda tarıhı altyn júldeni jeńip aldy.</p>

Ol – erkin kúresten jastar arasynda álem chempıony atanǵan tórtinshi balýan. Osyǵan deıin Ramzan Mýrtazalıev (1996 jyly), Ábil Ibragımov pen Iosıf Momtselıdze (2000 jyly) ánuranymyzdy shyrqatqan bolatyn. Mine, keshe ǵana araǵa 24 jyl salyp Rızabek Aıtmuhan sol sara joldy jalǵady.

Esterińizge sala keteıik, keshe qazaqstandyq balýan Rızabek Aıtmuhan erkin kúresten 20 jasqa deıingi sportshylar arasynda álem chempıony atanǵanyn jazǵan bolatynbyz.

20 jasqa deıingi sportshylar arasynda 97 kelige deıingi salmaqta synǵa túsken Rızabek fınalda ázerbaıjandyq Hetag Karsanovpen beldesti.

Eresekter arasyndaǵy álem chempıony sanalatyn Rızabek qarsylasyn merziminen buryn 10:0 esebimen jeńdi.