Aqqýlardyń qyrylýy: Qarakólge Rixos-ten tógiletin qaldyq sý qanshalyqty las

<p>Aqtaýda aqqýlardyń qyrylýyna baılanysty qustar qonatyn Qarakólge &laquo;Rixos&raquo; qonaqúıinen tógiletin qaldyq sýdyń quramyna jasalǵan taldaý qorytyndysy shyqty, dep habarlaıdy <a href="Kazinform." target="_blank" rel="noopener">Kazinform.</a></p>

«Ekologııa departamenti mamandarynyń taldaýy nátıjesinde, lastaýshy zattardyń shekti ruqsat etilgen kontsentratsııadan artyq ekeni anyqtaldy. Sonymen qatar aqqýlar óliminiń fakisine tógindiler áseriniń qatystylyǵyn tolyq zertteý úshin Almaty qalasynan ornıtolog mamandar shaqyryldy. Tekserý qorytyndysy boıynsha tıisti ınspektorlyq den qoıý sharalary qabyldanady jáne ákimshilik ister qozǵalady», — dedi ekologııalyq retteý jáne baqylaý komıtetiniń baspasóz qyzmeti.

Eske salaıyq, Aqtaýda Qarakólde qyrylǵan aqqýlardyń sany 828-ge jetkeni habarlanǵan bolatyn. Aldyn ala málimetter boıynsha aqqýlardyń jappaı qyrylýy qus tumaýynyń órshýinen dep málim etildi.

Aıta ketsek, 2022 jyly «Rixos Water World Aktau» qonaqúıi osyǵan uqsas zańbuzýshylyq áreketi úshin jaýapqa tartylyp, 76 mln teńge kóleminde aıyppul tólegen bolatyn.