Rıshat Haıbýllın Tokıo Olımpıadasynyń fınalyna óte almady

NUR-SULTAN. QazAqparat – Tokıo Olımpıadasynda sporttyq quzǵa órmeleýden biliktilik aıaqtaldy, dep habarlaıdy QazAqparat Olympic.kz-ke silteme jasap.

Sporttyń bul túrinde Qazaqstan atynan Rıshat Haıbýllın óner kórsetti. Biliktilikke qatysýshylar bul sporttyń úsh túri boıynsha baq synady: jyldamdyqqa shyǵý, qıyndyqtarmen shyǵý jáne boýlderıng.

Rıshat jyldamdyqqa shyǵý boıynsha tórtinshi boldy. Odan keıin boýlderıngti 17-shi bolyp aıaqtady. Sheshýshi - qıyndyqtarmen shyǵýda R.Haıbýllın 13-shi nátıje kórsetti.

Іrikteý raýndynyń qorytyndy hattamasynda qazaqstandyq 11-shi boldy. Alaıda fınalǵa óte almady. Oǵan tek segiz myqty sportshy ǵana joldama aldy.

Budan erte sınhrondy júzý boıynsha Qazaqstan komandasynyń ókilderi Aleksandra men Ekaterına Nemıch Tokıodaǵy Olımpıada oıyndarynda óner kórsetýin aıaqtaǵan edi.

Sýret: Qazaqstan UOK baspasóz qyzmeti, Vladıslav Semenov