Rıo Olımpıadasyna joldama alý úshin Qazaqstan sportshylary 200 jarysqa qatysady

ACTANA. QazAqparat - 2016 jyly Brazılııada ótetin jazǵy Olımpıada oıyndaryna joldama alý úshin Qazaqstan sportshylary ártúrli deńgeıdegi 200-den astam álemdik jarystarǵa qatysady. Bul týraly búgin osy salada ter tógip júrgen barlyq azamattardy Sport kúnimen quttyqtaı otyryp, Mádenıet jáne sport mınıstri Arystanbek Muhamedıuly málim etti.

«Bıylǵy aldymyzda turǵan eń basty maqsat - 2016 jyly Rıo-de-Janeıroda ótetin jazǵy Olımpıada oıyndaryna daıyndalý, ıaǵnı, Brazılııada ótetin kezekti dúbirli sport jarysyna joldama alý. Brazılııada ótetin Olımpıada oıyndaryna joldama alý úshin ulttyq qurama komandalar (sonyń ishinde Qazaqstan sportshylary da) 43 Azııa chempıonattaryna, 31 lıtsenzııaly Álem chempıonattaryna, 140 kóp satyly Álem kýboktaryna qatysady», - dep habarlady mınıstr.

Rıo Olımpıadasynan tys, 2016 jyly qazaqstandyq sportshylar sondaı-aq 70 qurlyqtyq, Álem kýboktarynyń 52 kezeńine qatysady.