Rımde mafııamen baılanysy bar degen kúdikpen 60 adam ustaldy
16:15, 17 Aqpan 2022
RIM. QazAqparat - Rım qalasynda karabınerlerdiń aımaq bólimshesiniń mafııaǵa qarsy keń aýqymdy operatsııasy aıasynda 60-tan astam adam ustaldy, dep habarlaıdy QazAqparat ANSA agenttigine silteme jasap.
Ustalǵandardyń barlyǵy Kalabrııadan shyqqan qylmystyq uıymǵa qatysy bar degen kúdikke ilingen.
Tergeýshilerdiń aıtýynsha, kúdiktiler astana aýmaǵyn, sonyń ishinde esirtki trafıgin baqylaýǵa alǵan. Agenttiktiń naqtylaýynsha, operatsııa áli aıaqtalmaǵan. Onyń egjeı-tegjeıleri men qorytyndysy keıinirek usynylady.
Italıandyq quqyq qorǵaý organdary 10 jyldan astam ýaqyt buryn dástúrli túrde ońtústik dep sanalǵan qylmystyq top óz qyzmetin eldiń soltústik oblystary, Eýropa elderinde burynnan júrgizip kelgenin anyqtaǵan.
Ndrangheta - Ońtústik Afrıkadan Eýropaǵa esirtki jetkizý arnalaryn qadaǵalap otyrǵan eń kúshti kóleńkeli top.