Rım Papasynyń Messasyna 7 myńnan astam adam jınaldy

NUR-SULTAN. QazAqparat – Syrtqy ister mınıstrligi Rım Papasy Frantsısk Álemdik jáne dástúrli din kóshbasshylarynyń VII seziniń aıasynda ótkizip jatqan Messa rásimine 7 myńnan astam jınalǵanyn málim etti, dep habarlaıdy QazAqparat tilshisi.

Rım Papasy Messa rásimin ótkizý úshin EXPO halyqaralyq kórme ortalyǵynyń aýmaǵyna arnaıy kólikpen keldi.

«Shara ótetin aýmaqqa qazirgi tańda 7 myńnan astam adam jınalǵan. Olardyń neshe elden kelgeni anyqtalyp jatyr», - delingen vedomstvonyń aqparatynda.

Buǵan deıin Syrtqy ister mınıstrliginiń resmı ókili Aıbek Smadııarov Messa rásimine tikeleı qatysý úshin din ókilderine 3000 oryn qarastyrylǵanyn aıtqan edi.

Sharany uıymdastyrýshylardyń aıtýynsha, Messa ótkizý úshin ázirlengen aýmaq 10 myń adamǵa shaqtalǵan.

Onyń basym bóligi Ortalyq Azııa men ózge de taıaý elderdiń dindarlaryna arnalyp otyr.

Shara elordanyń EXPO halyqaralyq kórme ortalyǵynyń aýmaǵynda ótip jatyr.

Reseılik din qyzmet k eri pirádar Ivan atalmysh sharany tarıhı mańyzy bar oqıǵa dep atady.

Qaraǵandy oblysynan Messaǵa 350-den astam katolık arnaıy kelgen.