Rım Papasy Qazaqstan týy týraly oı bólisti
«Týdaǵy qyran jer betine bılik júrgizgen ejelgi ımperııalardyń esteligi ispettes. Saıasat pen transtsendenttilik arasynda úılesimdi baılanys bar - eki túrli keńistik qatar ómir súrip jatqandaı. Qyran bop samǵaý úshin ashyq aspan qalaı qajet bolsa, adamǵa da sondaı sheksiz ári shekteýsiz erkin keńistik qajet», - dedi Rım Papasy Álemdik jáne dástúrli dinder kóshbasshylarynyń VII seziniń jabylý sharasynda.
Onyń paıymynsha, Qudaı jolyndaǵy qundylyqtar jer betiniń ólshemindegi «búginderimen» shektelmeýi kerek.
«Biz úkimetterge jáne quzyretti halyqaralyq uıymdarǵa áskerı qaqtyǵystar men soǵys qımyldarynyń saldarynan, ekstremıster men terrorıster tarapynan zorlyq-zombylyqqa ushyraǵan, adamı quqyqtary men bostandyǵyna qol suǵylǵan dinı toptar men etnıkalyq qaýymdastyqtardy qoldaý qajettigi týraly shuǵyl ótinishpen júgindik. Birinshiden, dinı bostandyq tek dereksiz uǵym ǵana emes, sonymen birge naqty quqyq bolýy úshin kúsh salý kerek», - dedi Rım Papasy Frantsısk.
Eske salsaq, Rım Papasy Frantsısk seziniń keshegi kúninde oıshyl aqyn Abaıdyń ózinen keıin adamzatqa baı mura qaldyrǵanyna toqtalǵan bolatyn.
Foto: akorda.kz