Rım Papasy Qazaqstan Konstıtýtsııasynyń nanym-senim bostandyǵynyń kepili ekenin atady
«Jergilikti halyq danalyǵy «Yrys basy – yntymaq» ekenin aıtady. Bul búkil jerde, sózsiz, mańyzdy másele. Biraq munda ol sózdiń máni tipten erekshe. Elderińizde shamamen 150-ge jýyq etnıkalyq top pen seksennen astam til kezdesedi. Bul – tarıhy, mádenı jáne dinı dástúri alýan túrli, barshasy birigip teńdessiz sımfonııa túzetin, Qazaqstandy kópultty, mýltımádenıetti, kópdindi biregeı zerthana etip turǵan halyqtar. Osy qyry Qazaqstanǵa tabysý eli etýge úndeıdi», - dedi ol elordada ótken kezdesýde.
Sondaı-aq, ol Qazaqstanǵa kelgen saparynyń maqsatyna toqtaldy.
«Men bul jerge dinderdiń osy aspektige qosar úlesiniń mańyzdylyǵyna nazar aýdartý úshin kelip otyrmyn. Osyǵan baılanysty Álemdik jáne dástúrli din kóshbasshylarynyń VII sezine qatysý qurmetine ıe boldym.
Aıtpaqshy, Qazaqstannyń Konstıtýtsııasy bul eldiń zaıyrly memleket ekenin aıqyndap tur. Sol arqyly din men senim-nanymnyń erkindigine kepildik berilgen. Bul zaıyrlylyqtyń salaýatty sıpaty ekstremızmge qarsy tosqaýyl bola alatyndyǵymen qundy. Ár azamattyń teńdigi úshin qajetti eń negizgi jaǵdaıdy jasalǵan»,- dedi Rım Papasy Frantsısk.