Rım Papasy Frantsısk qazaqstandyqtarǵa alǵys bildirdi
«Taǵy bir ret osynaý qudaıǵa qulshylyq sharasyn jáne meniń saparymdy uıymdastyrǵany úshin eldiń azamattyq jáne dinı bıligine alǵys aıtamyn. Barshańyzǵa, ásirese Ortalyq Azııanyń ózge elderinen jáne osynaý sheksiz dalanyń ár qıyrynan kelgen jandarǵa izetimdi bildiremin. Egde jastaǵy jáne naýqas adamdarǵa, balalar men jastarǵa shyn júregimnen batamdy joldaımyn», - degen din kóshbasshysy «qasıetti kresti kóterý» rásimin oryndady.
Aıtýynsha, atalǵan kreste «Qazaqstan halqyna – alǵys, adamdarǵa – beıbitshilik» degen jazý basylǵan.
«Jaratýshyǵa osynaý uly elde turyp jatqan halyq úshin alǵys. Bul halyqtyń mynaý álem asa muqtaj dıalog pen beıbitshilikke yqpaldastyǵy alǵysqa laıyq», - dedi Rım Papasy Frantsısk.
Syrtqy ister mınıstrliginiń málimeti boıynsha Messa rásimine 7 myńnan astam adam jınalǵan.
Shara elordanyń EXPO halyqaralyq kórme ortalyǵynyń aýmaǵynda ótti.
Reseılik din qyzmekteri piradar Ivan atalmysh sharany tarıhı mańyzy bar oqıǵa dep atady.
Qaraǵandy oblysynan Messaǵa 350-den astam katolık arnaıy kelgen.