Rım Papasy Almatydaǵy ushaq apatyna baılanysty kóńil aıtty

BRıÝSSELЬ. QazAqparat – Vatıkan memlekettik hatshysy kardınal Petro Parolın Rım papasy Frantsısktiń atynan Almatydaǵy ushaq apatyna baılanysty kóńil aıtý jedelhatyn joldady, dep habarlaıdy QazAqparat menshikti tilshisi Vatican News gazetine silteme jasap.

«Jaqynda Almatyda bolǵan ushaq apaty týraly bilgennen keıin, Asa Qasıetti Papa Frantsısk osy qaıǵyly jaǵdaıdyń saldarynan zardap shekkenderdiń barlyǵyna kóńil aıtady», - delingen basylymda shyqqan jedelhatta.

«Ol qaza bolǵandardyń rýhtarynyń máńgilik tynyshtyq tabýy jáne zardap shekkenderdiń jazylyp ketýi úshin duǵa etedi. Asa Qasıetti Papa Qudireti kúshti Qudaıdan barlyq adamdar úshin, ásirese qutqarý, qalpyna keltirý jumystaryna qatysatyn adamdarǵa kúsh-qýat berýdi jáne beıbitshilik syılaýdy suraıdy», - dep jazǵan jedelhatta.