Rım Papasy Qazaqstanda sý tasqynynan zardap shekkender úshin duǵa etýge shaqyrdy

<p>ASTANA. KAZINFORM &ndash; Rım Papasy Frantsısk óziniń jalpy aýdentsııasy kezinde Ortalyq Azııa elderiniń kóptegen aımaqtaryna áser etken jáne myńdaǵan adamdy evakýatsııalanýǵa májbúr etken Qazaqstandaǵy jappaı sý tasqynynan zardap shekkender úshin <a href="https://www.vaticannews.va/en/pope/news/2024-04/pope-invites-prayers-for-those-suffering-flooding-in-kazakhstan.html" target="_blank" rel="noopener">duǵa etýge shaqyrdy.</a></p>

Sonymen birge, Rım Papasy Ýkraına men Mıanmadaǵy qaqtyǵystardan zardap shekkender úshin tilek tileýdi suraǵan. 

«Men dál osy ýaqytta Qazaqstan halqyna rýhanı jaqyn ekenimdi bildirgim keledi», - dep atap ótti Rım Papasy Frantsısk aǵylshyn dindarlaryn resmı qabyldaý kezinde.

Ol 2022 jyldyń qyrkúıek aıynda Qazaqstanǵa barǵanyn, qazir bul eldiń kóptegen aımaqtaryna áser etken aýqymdy sý tasqyny bolǵanyn eske saldy.

«Men barshany osy tabıǵı apattyń saldarynan zardap shekkenderdiń barlyǵyna duǵa etýge shaqyramyn», - dedi ol.

Aıta keteıik, Qazaqstanda sý tasqyny bastalǵaly beri 97 071 adam evakýatsııalandy.

Reseıdiń Orynbor qalasynda Jaıyq ózenindegi sý deńgeıi qaýipti deńgeıge jaqyndap, 897 sm-ge jetken. 

Sý basý qaýpi bar aımaqta júrgen adamdardyń barlyǵy dereý evakýatsııalanýǵa shaqyryldy.