Rım masters týrnıri: Anna Danılına juptyq synda 1/4 kezeńde súrindi

ASTANA. QazAqparat – Qazaqstannyń juptyq syndaǵy birinshi, álemniń 26-raketkasy Anna Danılına Rım WTA 1000 jarysynyń jartylaı fınalyna shyǵa almady, dep habarlaıdy QazAqparat tilshisi.

Qazaqstandyq tennısshi majarstandyq Tımeıa Baboshpen birge shırek fınalda týrnırdiń 4-raketkalary, aýstralııalyq Storm Sanders – belgııalyq Elıza Mertenspen baq synasty.

Aýstralııalyq-belgııalyq jup 6:4, 6:2 esebimen jeńiske jetti.

Bir saǵat 19 mınýtqa sozylǵan matchta A.Danılına men T.Babosh 11 breık-poınttyń tek ekeýin ǵana óz esepterine jazdy. Qarsylas jup 1 eıs, 5 breıkpen (11 breık-poınt) kózge tústi.

Eske sala keteıik, budan buryn Anna Danılına juptyq synda Rım masters týrnıriniń shırek fınalyna shyqqanyn jazǵan bolatynbyz.

Sondaı-aq Elena Rybakına Rım masters týrnıriniń shırek fınalyna shyqty.

Rybakına bastaǵan qazaqstandyq tennısshiler Rolan Garros týrnırine qatysady.

Elena Rybakına álemdik reıtıngide TOP-5 tennısshiniń qataryna endi.