Rıeltorlyq qyzmetti retteý ulttyq standartynda olqylyq bar – sarapshy

<p>ASTANA. KAZINFORM &ndash; Qazaqstan Rıeltorlary birlesken qaýymdastyǵy prezıdentiniń keńesshisi Nına Lýkıanenko Májilis depýtaty Oljas Quspekovtiń rıeltorlyq qyzmetke memlekettik retteýdi engizý týraly usynysyna jaýap berdi.</p>

«Uzaq ýaqyttan beri naǵyz kásibı mamandardyń sarapshylyq qoǵamdastyǵyna múshemin. Sondyqtan da sapasyz qyzmetten tutynýshylar ǵana emes, sonymen birge klınetterine kómektese alatyn, salany biletin kásibı mamandar da zardap shegetindigin aıta alamyn», - dedi ol agenttik tilshisine bergen suhbatynda.

Onyń atap ótýinshe memleket kásibı qoǵamdastyq qatysýshylarynsyz zańǵa táýeldi aktilerdi ázirleı almaıdy.

«Memlekettik bılik organdarynyń barlyq ókilin ashyq ári syndarly dıalogqa shaqyramyn. Bizdiń kásip ıeleri muny sheshýdiń álýantúrli nusqasyn san márte usynǵan bolatyn. Tipti, zańǵa táýeldik aktiler men qoldanystaǵy zańnamaǵa qandaı da bir normalardy da usyndy. Búginde memleket rıeltorlyq qyzmetti retteýdiń ulttyq standartyn qabyldap otyr. Ókinishke oraı, ol shıki. Onda kóptegen olqylyq bar. Sondyqtan da búginde naryqta osyndaı jaǵdaı týyndap tur», - dedi Nına Lýkıanenko.

Sarapshy qazirgi ýaqytta rıeltorlyq qyzmetti zańnamalyq turǵyda bekitý qajettigi týyndap otyrǵanyn aıtady.

«Qyzmet pen mamandyqtyń is júzinde bar ekendigin, memleket ony zańmen bekitilgen qujattarmen zańdastyrýǵa múddeli emestigin moıyndaý qajet. Oıyn erejesin talqylap, naryqty tazartaıyq. Kásip ókilderi úshin de, klıentter úshin de qolaıly ári jaıly jumysty birlesip isteıik», - dedi ol.

Aıta keteıik, taıaýda Premer-Mınıstrdiń orynbasary – Úkimet Apparatynyń basshysy Ǵalymjan Qoıshybaevqa saýal joldaǵan depýtat Oljas Quspekov rıeltorlyq qyzmetti qatań memlekettik retteý qajettigin kótergen bolatyn.