Rıdderdegi tótenshe jaǵdaı: Oqýshylar dúısenbiden bastap mektepke baryp oqıdy

RIDDER. QazAqparat – Shyǵys Qazaqstan oblysy Rıdder qalasynyń oqýshylary dúısenbiden bastap mektepke baryp oqıdy, dep habarlaıdy QazAqparat tilshisi.

Rıdderdegi tótenshe jaǵdaı boıynsha qurylǵan jedel shtabtyń málimetine sáıkes, 12 qarashada jylý elektr ortalyǵyndaǵy jaǵdaı turaqty.

«Qazirgi ýaqytta ortalyqtaǵy úsh ortasha jáne bir joǵary qysymdy qazandyq jumys istep tur. Qalaǵa jiberilgen jylý temperatýrasy 63 gradýs. Mektepter men balabaqshalardyń jumysy týraly másele sheshildi. Dúısenbiden bastap bilim berý mekemeleri shtattyq rejımde jumys isteıdi», - delingen aqparatta.

Eske salsaq, 5 qarasha kúni saǵat 20.00-de atalǵan ortalyqtaǵy kúl shyǵarý júıesindegi sorǵy isten shyǵyp, №1 qazandyq agregatynyń qosalqy jabdyǵy apatty jaǵdaıda ajyratylǵan bolatyn. Sonyń saldarynan 22 myńnan astam abonent úshin jylý berý azaıtyldy.

Tótenshe jaǵdaıǵa baılanysty qaladaǵy mektep oqýshylary 11 qarashaǵa deıin qashyqtan oqydy.