Rıdderdegi ormanda foto túsirmek bolyp aǵashqa shyqqan adam qulap, aýyr jaralandy

ÓSKEMEN. QazAqparat – Shyǵys Qazaqstan oblysy Rıdder qalasyndaǵy ormandy ádemi fotoǵa túsirmek bolǵan týrıst bıik aǵashqa órmelep shyqqan. Alaıda aıaǵy taıyp qulap ketip, aýyr jaraqat alǵan oǵan kómektesý úshin qutqarýshylar men jádel járdem qyzmetkerlerine 30 shaqyrymdy eńserýge týra keldi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, bir top jigit Rıdder qalasyndaǵy ormanǵa qydyryp barǵan. Er adamdardyń biri ádemi kórinisti fotosýretke túsirmek bolyp, bıik aǵashqa órmelep shyǵady.

Alaıda kenet aıaǵy taıyp ketip, qulap túsken ol aýyr jaraqat alǵan. Dostary birden sol jerge jedel járdem men qutqarýshylardy shaqyrdy.

«Zardap shekken adamǵa jetý úshin №1 mamandandyrylǵan órt sóndirý bóliminiń qutqarýshylary men dárigerlerge 30 shaqyrymdyq joldy eńserýge týra keldi. Jetken boıda medıtsına qyzmetkerleri 1981 jyly týǵan er adamǵa alǵashqy kómek kórsetti», - delingen aqparatta.

Sodan keıin qutqarýshylar ony taýdan jedel járdem kóligine deıin zembilmen tasymaldady. Qazirgi ýaqytta jaraqat alǵan adam medıtsınalyq mekemege jatqyzyldy.