Rıdderde jylý tarıfi óspeıdi

ÓSKEMEN. QazAqparat – Shyǵys Qazaqstan oblysy Rıdder qalasynda jylý tarıfi óspeıdi, dep habarlaıdy QazAqparat tilshisi.

Bıylǵy jylytý maýsymynda qaıta-qaıta aqaý shyqqan Rıdder jylý elektr ortalyǵynyń ıesi aýysqany belgili.

Jańa ınvestor ortalyqty kúrdeli jóndeýden ótkizip, eski jabdyqtardy aýystyrýǵa nıetti.

Osy rette rıdderlikterdi «jylý tarıfi óse me?» degen saýal mazalap otyr.

Bul suraqqa «Rıdder JEO» AQ basqarma tóraǵasy Quralbek Ábdirahmanov jaýap berdi.

«Rıdder qalasyndaǵy jylý máselesi túbegeıli sheshiledi. JEO-nyń jaǵdaıyn jaqsartýǵa ınvestıtsııa salynady. Al jylý tarıfi aldaǵy 5 jyl ishinde kóterilmeıdi», - dedi ol keshe turǵyndarmen kezdesýde.

Eske sala keteıik, Danıal Ahmetov Rıdder jylý elektr ortalyǵyndaǵy aqaýlar men apattardan úıleri jıi sýyp ketip otyrǵan turǵyndardan keshirim suraǵan edi.

Osyǵan deıin Ekibastuz ben Rıdderde jylý tarıfi qanshalyqty ósetini boljanǵan.

Keıinnen Úkimet basshysynyń birinshi orynbasary Roman Sklıar Ekibastuz ben Rıdderdegi jylý tarıfi máselesin túsindirdi.