Rıdderde taýda aıaǵyn syndyryp alǵan reseılik týrıst qutqaryldy

<p>ÓSKEMEN. KAZINFORM &ndash; Shyǵys Qazaqstan oblysy Rıdder qalasynyń irgesindegi taýda snoýbord teýip júrgen reseılik týrıst aıaǵyn syndyryp alǵan.</p>

ShQO Tótenshe jaǵdaılar departamenti baspasóz qyzmetiniń málimetine súıensek, 34 jastaǵy áıel Reseıdiń Omby qalasynan Rıdderdiń kórkem tabıǵatynda tynyǵý úshin kelgen. Taýly jerdegi demalys bazasynda snoýbord teýip júrgen ol kenet qulap, aıaǵyn syndyryp aldy.

«Týrıst joldan shyǵyp ketip aǵashqa soǵylǵan. №1 mamandandyrylǵan órt sóndirý bóliminiń qyzmetkerleri sol jerge shuǵyl jetip, jábirlenýshiniń aıaǵyn abaılap kóterip, splıtbordpen taýdan túsirdi. Osylaısha, qutqarýshylar reseılikti jedel járdem dárigerlerine jetkizip berdi», - delingen aqparatta.

Osy rette, TJD qyzmetkerleri týrısterdi barynsha abaı bolyp, qaýipsizdik sharalaryn qatań saqtaýǵa shaqyrdy.