ÓSKEMEN. KAZINFORM – Shyǵys Qazaqstan oblysy Rıdder qalasynda qyzyl sý jer úıdiń aýlasyna kirdi.
ShQO Tótenshe jaǵdaılar departamenti baspasóz qyzmetiniń málimetine súıensek, 26 naýryzda Grızodýbova kóshesinde erigen qar sýy jeke turǵyn úıdiń irgeles aýmaǵyna jınalyp qaldy.
«Qutqarýshylar dereý kómekke kelip jetti. Jeke quramnan 4 adam, bir tehnıka jáne motopompa tartyldy. Sondaı-aq jergilikti atqarýshy organdardyń qyzmetkerleri men tehnıkasy da jumyldyrylǵan. Kóp uzamaı aýladaǵy sý sorylyp, shyǵaryldy», - delingen aqparatta.
Qazirgi ýaqytta jumystar tolyqtaı aıaqtaldy. Barlyǵy 110 tekshe metr qyzyl sý sorylǵan.
Talǵatjan Muhametbekuly
Óskemendegi S.Amanjolov atyndaǵy ShQÝ-dy "Jýrnalıstıka" mamandyǵy boıynsha támamdaǵan. Eńbek jolyn 2015 jyly ShQO "Aldaspan" gazetinde tilshi bolyp bastady. ShQO "Meniń ólkem" gazetinde tilshi, respýblıkalyq "Jas qazaq", "Zań" gazetterinde Shyǵys Qazaqstan oblysy boıynsha menshikti tilshi, ShQO "Meniń ólkem" gazetiniń bas redaktory qyzmetterin atqarǵan. Kazinform agenttiginde 2021 jyldan beri jumys istep keledi.