Rıdderde 10-nan astam kósheniń ataýy ózgertilmek

ÓSKEMEN. QazAqparat –Shyǵys Qazaqstan oblysy Rıdder qalasynda 10-nan astam kósheniń ataýy ózgertilmek, dep habarlaıdy QazAqparat tilshisi.

Rıdderdegi 12 kóshe men bir shaǵyn aýdan ataýy aýystyrylady. Bul týraly qalalyq máslıhattan málim etti.

«Botanıka shaǵyn aýdanyna «Táýelsizdiktiń 30 jyldyǵy» ataýy beriledi. Al kóshelerge qatysty aıtar bolsaq, Şors - Egizbaevtar, Ýrıtskıı - Avdeıchık, Klara Tsetkın - Beıbitshilik, Chapaev - Úsenov, Engels - Esenberlın, Bolshevık - Grebenıýk, Gertsen - Kentaı, Komsomol – Selıfonov, Kırov – Sátbaev, Proletarskaıa – Kenshiler, Sverdlov – Álıhan Bókeıhan, Ýshanov – Jeltoqsan dep ózgertiledi», - delingen aqparatta.

Endi osyǵan oraı qalada 6 shilde kúni jurtshylyqtyń qatysýymen qoǵamdyq tyńdaý ótkiziledi.