Rıdder jylý elektr ortalyǵyna jańa ınvestor tartyldy

ÓSKEMEN QazAqparat – Shyǵys Qazaqstan oblysyndaǵy Rıdder jylý elektr ortalyǵyna jańa ınvestor tartyldy, dep habarlaıdy QazAqparat tilshisi.

«Rıdder» JEO AQ málimetine súıensek, qazirgi ýaqytta ortalyq qyzmetkerlerine jalaqy tólene bastaǵan.

«Almatylyq jańa ınvestor birneshe aı jalaqy almaǵan jumysshylarǵa aqsha tóleýde. Naqty aıtqanda, eńbek ujymy mamyr jáne maýsym aılarynyń jalaqysyn aldy. Sondaı-aq jańa ınvestor kredıtorlyq bereshek máselesimen de aınalysyp jatyr», - deıdi JEO bas dırektory Igor Mıhaılenko.

Aıta keteıik, búginde Rıdder jylý elektr ortalyǵynda kúrdeli jóndeý jumystary júrgizilip jatyr. Bul jumystardyń shyǵyny memlekettik bıýdjet esebinen tólenýde.