Rıdder JEO-syn jóndeýge 8,3 mlrd teńge bólinedi, endi jumysty jedeldetý kerek - mınıstr

ASTANA. QazAqparat - 2023 jylǵy 14 shildede Energetıka mınıstriniń jylý berý kezeńine daıyndyq jónindegi úılestirý shtabynyń otyrysyn ótkizý maqsatynda Rıdder jylý elektr ortalyǵyna (JEO) saparmen bardy, dep habarlaıdy QazAqparat.

QR Energetıka mınıstrligi baspasóz qyzmetiniń habarlaýynsha, JEO-da barlyǵy 6 qazandyq jáne 4 týrbına ornatylǵan. Bıyl 6 qazandyqty jóndeý jumystary uıymdastyryldy. 8 merdiger jáne 3 jobalyq uıym tartyldy. Qazandyqtardy jóndeýden basqa, búgingi kúni otyn berý, boılerlerdi kúrdeli jóndeý, ǵımarattar men qurylystardy jóndeý jumystary júrgizilip jatyr. Grafık boıynsha № 1, 2, 4 qazandyqtardy jóndeýdiń aıaqtalý merzimi 2023 jyldyń 15- qyrkúıegine deıin, № 3, 6 qazandyqtar 2023 jyldyń 15 qazanyna, №5 qazandyq 2023 jyldyń 15 qarashasyna deıin josparlanǵan.

Stantsııaǵa merdigerlik uıymdardyń 200-ge jýyq mamany jumyldyryldy.

Mınıstrlik Úkimetpen birlesip jóndeý jumystaryn júrgizýge Úkimet rezervinen 8,3 mlrd. teńge kóleminde qarjy bólý máselelerin sheshti.

Mınıstr jóndeý jumystaryn jedeldetý qajettigine nazar aýdardy. Sonymen qatar bagerlik sorǵy, týrbınalyq tseh, mazýt sorǵy jóndeýmen qamtylmaǵan. Kúl úıindisi boıynsha sheshimdi jedeldetý qajet.