Rıdder JEO-nyń eks-basshylary memleketke 4,1 mlrd teńge zalal keltirdi degen kúdik bar

<p>Alaıaqtyq faktisi boıynsha Rıdder JEO-nyń burynǵy basshylaryna qatysty isti QMA Shyǵys Qazaqstan oblysy boıynsha departamenti tergep jatyr, dep habarlaıdy Kazinform QR Qarjylyq monıtorıng atenttiginiń <a href="https://t.me/afm_rk" target="_blank" rel="noopener">baspasóz</a> qyzmetine silteme jasap.</p>

Olar aldaý arqyly bótenniń múlkin jymqyryp, asa iri kólemde memleketke 4,1 mlrd teńge zalal keltirgen degen kúdikke ilindi.

Tergeý barysynda JEO jabdyqtarynyń tozýy jáne jylý energııasyn berýdegi birneshe ret isten shyǵýyna jóndeý jumystaryn júrgizýge arnalǵan qarajattyń júıeli túrde urlanýy sebep bolǵany anyqtaldy.

2018-2022 jyldar aralyǵynda Rıdder JEO-nyń burynǵy laýazymdy tulǵalary ǵylymı-tehnıkalyq qyzmet kórsetý, qazandyqtarǵa, jylý jelilerine jáne týrbogeneratorlarǵa kúrdeli jóndeý jumystaryn júrgizý úshin kásiporyndarmen jalǵan kelisim-sharttar jasap, ýákiletti organǵa jalǵan esepter usynǵan. 

Tergeý barysynda qabyldanǵan sharalar men QR Premer-Mınıstriniń tóraǵalyǵymen Úkimetti demonopolızatsııalaý jónindegi komıssııa sheńberinde Rıdder qalasyndaǵy jylý energııasyn óndirý stantsııasyn memleket menshigine berýden keltirilgen shyǵyndy óteýdi qamtamasyz etti, onyń quny shamamen 5,5 mlrd teńgeni quraıdy.

QR QPK 201-babynyń talaptaryna sáıkes sotqa deıingi tergep-tekserýdiń ózge de derekteri jarııalanbaıdy.