Rıdder qalasyna jańa ákim taǵaıyndaldy

<p>ÓSKEMEN. KAZINFORM - Shyǵys Qazaqstan oblysy ákiminiń ókimimen Rıdder qalasynyń ákimi laýazymyna Dýman Rahmetqalıev taǵaıyndaldy.</p>

Shyǵys Qazaqstan oblysy ákiminiń birinshi orynbasary Nurymbet Saqtaǵanov qala aktıvine jańa ákimdi tanystyryp, jumysyna sáttilik tiledi.

Dýman Rahmetqalıev Shyǵys Qazaqstan oblysy Tavrııa aýdany Ahmırovo aýylynyń týmasy. Praga halyqaralyq ýnıversıtetinde «Ekonomıka» mamandyǵyn, Qazaqstan-Amerıka erkin ýnıversıtetin «Quqyq magıstri» biliktiligi boıynsha támamdaǵan.

Eńbek jolyn 2011 jyly Óskemen qalasynyń «Teploenergosnab» JShS ekonomısi qyzmetinen bastady. Astana qalasy «Qazatomónerkásip-Demeý» JShS-da, ShQO Tabıǵı resýrstar jáne tabıǵat paıdalanýdy retteý basqarmasynyń Orman jáne ańshylyq sharýashylyǵyna jedel den qoıý otrıadynda jumys istedi.

«Ertis ÁKK» AQ Basqarma tóraǵasynyń orynbasary qyzmetin atqarǵan. 2020 jyldyń sáýir aıynan bastap Shyǵys Qazaqstan oblysynyń Qarjy basqarmasyn basqardy. 2023 jyldyń sáýir aıynda Shyǵys Qazaqstan oblysy Ulan aýdanynyń ákimi laýazymyna taǵaıyndalǵan.