RF Tergeý komıteti Peterbýrgte lańkestik jasaǵan adamdy anyqtady
20:22, 04 Sáýir 2017
ASTANA. QazAqparat - Reseı tergeý komıteti Sankt-Peterbýrgte lańkestik jasaǵan adamdy anyqtady. Bul týraly TK baspasóz habarlamasynda aıtylǵan.
«Sankt-Peterbýrg metrosynda poıyz vagonynda jarylys jasaǵan er kisi anyqtaldy. Ol 01.04.1995 jyly dúnıege kelgen Akbarjon Djalılov bolyp shyqty», - delingen habarlamada.
«Gazeta.Ru» deregi boıynsha, jankeshti Akbarjon Djalılov Sankt-Peterbýrgtaǵy kólik sheberhanasynda jumys jasaǵan, Reseı azamattyǵyn 2011 jyly Qyrǵyzstannyń Reseıdegi Bas konsýldyǵynda alǵan.
Eske sala keteıik, 3 sáýir kúni Sankt-Peterbýrg metrosynyń «Sennaıa ploşad» beketinde jarylys boldy. Sońǵy derek boıynsha, 14 adam qaza taýyp, 50 adam jaraqat alǵan.