RF Memdýmasy men EOPA depýtattary Sırııaǵa bardy
Delegatsııany RF memdýmasynyń vıtse-spıkeri «Edınaıa Rossııa» fraktsııasynyń kóshbasshysy Vladımır Vasılev bastap bardy, dep habarlady «RIA Novostı».
«Biz bul saparǵa eýropalyq áriptesterimizdi - EOPA múshelerin shaqyrdyq», - dedi Vasılev.
Damask qalasyna ushyp kelgen Memlekettik Dýma komıtetiniń halyqaralyq ister boıynsha tóraǵasy Leonıd Slýtskıı eýropalyq taraptan delegatsııa quramynda Belgııa, Serbııa, Ispanııa, Chehııa jáne Italııanyń 10 parlamentshisi kelgenin atap ótti.
Sonymen birge, Slýtskıı delegatsııany Sırııa prezıdenti Bashar Asadtyń qabyldaıtynyn jáne Sırııa Halyq keńesiniń spıkeri Hadııa Abbaspen kelissózder júrgiziletinin aıtty.
«Bul kezdesýler aıasynda biz sırııalyq retteýler máselelerin jáne bul protsestegi, Jenevadaǵy, Astanadaǵy kelissózderde aıqyndalatyn máselelerdi sheshýdegi, BUU Qaýipsizdik Keńesiniń 2254 qararyn júzege asyrýdaǵy parlamenttik ólshemniń yqtımal rólin talqylaǵymyz keledi», - dep túsindirdi komıtet basshysy.