RF bıligi ýkraındyq «Lybıd» jer serigin «Baıqońyrdan» ushyrýdy qamtamasyz etýge tapsyrma berdi

ASTANA. 21 qańtar. QazAqparat - RF úkimeti ýkraındyq «Lybıd» ǵaryshtyq apparatyn «Baıqońyrdan» ushyrýdy qamtamasyz etýge tapsyrma berdi,

dep habarlaıdy RBK.

Tıisti ókimge RF premer-mınıstri Dmıtrıı Medvedev qol qoıdy, dep málimdedi mınıstrler kabınetiniń baspasóz qyzmeti.

Baıqońyr ǵarysh aılaǵynan «Lybıd» telekommýnıkatsııalyq apparatynyń «Zenıt- ZSLBF» zymyran tasyǵyshyn ushyrý ókiminiń jobasy RF Federaldy ǵarysh agenttigimen (Roskosmos) engizildi. «Lybıd» ǵarysh apparatynyń áskerı emes, kommertsııalyq maqsatta qoldanylatynyn rastaıtyn sertıfıkat ta bar.

Atalmysh jer serigin iske qosýdy kosmostyq apparattaryn ushyrýdy synaý jónindegi Memlekettik komıssııanyń jetekshiligimen «Roskosmos» mamandary qamtamasyz etedi. Ǵarysh apparatyn qajetti orbıtaǵa engizgen soń, ol Ýkraınanyń ulttyq regıstrine qosylatyn bolady.