Rejep Taııp Erdoǵan Prezıdentke túrkııalyq elektromobıl syılady
Rejep Taııp Erdoǵan ózara qurmettiń belgisi retinde Qasym-Jomart Toqaevqa Túrkııada shyǵarylǵan TOGG elektromobılin syıǵa tartty. Sondaı-aq Memleket basshysyna jańa elektrokardy ózi tanystyrdy.
Qasym-Jomart Toqaev Rejep Taııp Erdoǵanǵa alǵys aıtyp, áriptesin TOGG elektromobıliniń óndirisin tabysty iske qosýymen quttyqtady.
Togg T10X – Túrkııa elektromobıl óndirisiniń tuńǵysh ónimi. Tehnıkalyq sıpattamasynda ınnovatsııalyq kólik jyldamdyǵyn 4,8 sekýnd ishinde 100 shaqyrym/saǵatqa deıin údete alatyny aıtylǵan.
Atalmysh kólik Býrsa qalasyndaǵy zaýytta menshikti modýldik platforma negizinde qurastyrylady. ıAǵnı, keleshekte osy modýldik platforma negizinde kóliktiń tehnıkalyq sıpattary tehnologııa men zaman talabyna saı jańartylyp, jetildirilip otyrady degen sóz.
Togg T10X akkýmolıatory 28 mınýttyń ishinde 60% qýat jınaıdy. Óndiris ıeleri 2030 jylǵa qaraı atalmysh kóliktiń 1 mln danasyn 5 segment boıynsha shyǵarýdy josparlap otyr.
Túrkııa saıttaryndaǵy málimetterge súıensek, bes esikti krossoverge T10X ındeksiniń berilýi de tegin emes. «T» tańbasy «Türkiye» sóziniń basqy áribi bolsa, 10 sany «S» segmentiniń rettik nómirin bildiredi. Al «X» tańbasy kóliktiń shanaǵy krossover ekeninen habar beredi.
Jalpy Togg brendiniń tuńǵysh elektromobıli 2022 jyldyń kúzinen beri qurastyrylyp keledi. Buǵan deıin Túrkııa avtomobıl ındýstrııasynyń jańa maqtanyshy BAÁ prezıdetine, Qatar ámirine, Saýd Arabııasynyń hanzadasyna, Ázerbaıjan jáne Ózbekstan prezıdentterine, Túrikmenstan basshylyǵyna syıǵa tartylǵan.
Eske salaıyq, búgin Astanada Túrki memleketteri uıymynyń H sammıti ótip jatyr.
«Túrki dáýiri» uranymen ótken jıynǵa Túrkııa, Ázerbaıjan, Ózbekstan, Qyrǵyzstan prezıdentteri uıymǵa múshe memleket basshylary retinde, Majarstan Premer-mınıstri men Túrikmenstan basshysy baqylaýshy eldiń basshylary retinde qatysty.