Rezervtik qordaǵy 26 myńnan astam tósek-orynda naýqastar em alyp jatyr - mınıstr

NUR-SULTAN. QazAqparat – Rezervtik qordaǵy 26 myńnan astam tósek-orynda naýqastar em alyp jatyr. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

Mınıstrdiń aıtýynsha, 27 sáýirdegi málimetterge sáıkes, respýblıkada aldyn ala daıyndalǵan ınfektsııalyq tósek-oryndardyń 41 paıyzynda jáne reanımatsııalyq tósek-oryndardyń 28 paıyzynda naýqastar em alyp jatyr. Bul rette ınfektsııalyq tósek-oryndardyń Mańǵystaý oblysynda - 58, Almaty qalasynda - 57, Almaty oblysynda - 57 jáne Nur-Sultan qalasynda 56 paıyzy bos emes.

«Shamamen 62 myń tósek-oryndy quraıtyn, onyń ishinde 9 700 tósek-oryn bar rezervtik qor quryldy. Búginde rezervtegi qordan 26 122 tósek-oryn Aqtóbe, Qostanaı oblystary men Shymkent qalasyn qospaǵanda elimizdiń barlyq óńirlerindegi ınfektsııalyq statsıonarlarda, kópbeıindi aýrýhanalardyń bólimshelerinde jumyldyryldy», - dedi ol.

Sonymen qatar Alekseı Tsoı reanımatsııalyq tósek-orynda em alyp jatqan naýqastardyń Batys Qazaqstan oblysynda 57, Almaty qalasynda 55 jáne Nur-Sultan qalasynda 54 paıyzdy quraıtyndyǵyn basa aıtty.