Reıtıngtik týrnırden qazaqstandyq balýandar 10 medal alyp qaıtty

ASTANA. QazAqparat - Vengrııa astanasy Býdapesht qalasynda kúres túrlerinen tórtinshi reıtıngtik týrnır máresine jetti. Qazaqstandyq balýandar 2 altyn, 2 kúmis, 6 qola medal aldy, dep habarlaıdy QazAqparat tilshisi.

13-16 shilde aralyǵynda grek-rım, erkin jáne áıelder kúresinen tórtinshi reıtıngtik týrnır ótkizildi.

Jarys barysynda grek-rım kúresiniń sheberleri 1 altyn, 1 qola, áıelder kúresinen qazaqstandyq balýandar 1 altyn aldy.

Al erkin kúreste qorjynǵa 2 kúmis, 5 qola medal tústi.

«Jylyna tórt reıtıngilik týrnır bekitilgen. Mundaı jarystar Horvatııa, Egıpet, Qyrǵyzstan, Vengrııada ótkizildi. Balýandar reıtıngilik týrnırlerde upaı jınaıdy. Nátıjesinde qyrkúıek aıynda Serbııada bolatyn álem chempıonatynda kóp upaı jınaǵan balýandar jartylaı fınal nemese fınalǵa deıin bir-birimen kezdespeıdi», - dedi Qazaqstan Kúres federatsııasy baspasóz qyzmetiniń jetekshisi Aspandııar Esenjolov.