Reıtıng TOP-10: Qazaqstandaǵy úzdik ýnıversıtetter ataldy

NUR-SULTAN. QazAqparat – «Atameken» UKP Basqarma tóraǵasynyń orynbasary Oljas Ordabaev 2019 jyly bilim berý baǵdarlamalary reıtınginde TOP-10 quramyna engen joǵary oqý oryndaryn atady, dep habarlaıdy QazAqparat tilshisi.

Aıta keteıik, «Atameken» Ulttyq kásipkerler palatasy eki jyl qatarynan QR Bilim jáne ǵylym mınıstrligi men «Eńbek resýrstaryn damytý ortalyǵy» AQ-men birlesep, otandyq joǵary oqý oryndarynyń bilim berý baǵdarlamalaryna táýelsiz baǵalaý júrgizip keledi. Búgin elordada sol reıtınginiń nátıjesi jarııalandy.

Sonymen, ondyqtyq qataryna KIMEP ýnıversıtet, KAZGıÝÝ ýnıversıteti, Halyqaralyq aqparattyq tehnologııalar ýnıversıteti, Súleıman Demırel ýnıversıteti, Qostanaı memlekettik pedagogıkalyq ýnıversıteti, Qazaqstan-Brıtan tehnıkalyq ýnıversıteti, M. Qozybaev atyndaǵy Soltústik Qazaqstan memlekettik ýnıversıteti, Halyqaralyq bilim berý korporatsııasy, Almaty energetıka jáne baılanys ýnıversıteti, L.N. Gýmılev atyndaǵy Eýrazııa ulttyq ýnıversıteti endi.

«Bul joǵary oqý oryndary qatysqan reıtıngterde jaqsy oryndardan kórindi. 2019 jyldyń reıtınginde olardyń kóshbasshylyq úlesi aıtarlyqtaı joǵary boldy. Bul oqý oryndarynda jyl saıyn túlekterdi daıarlaý jaqsy deńgeıde», - dedi Oljas Ordabaev.