Reıd: Nur-Sultandaǵy bar 100-ge jýyq klıentti jasyryn kirgizgen
Bul týraly Nur-Sultan qalasy polıtsııa departamentiniń baspasóz qyzmeti málim etti.
«Mobıldi toptardyń reıdtik tekserýi kezinde túngi saǵat 23.36-da qonaq qabyldaǵan Chechil pub baryn anyqtaldy. Mekemede júzge jýyq adam kóńil kótergen. Kelýshiler bar ústelderine as úı arqyly kirgizilgeni belgili boldy. Bul oıyn-saýyq mekemesi buryn da karantın talaptaryn buzǵany úshin birneshe ret jaýapkershilikke tartylǵan», - dep jazady departamenttiń baspasóz qyzmeti.
Mekeme ıesin Ákimshilik quqyq buzý týraly kodekstiń 425-baby boıynsha jaýapkershilikke tartý úshin ýákiletti organǵa zań buzý faktisi týraly málimet jiberildi.
Mobıldik top quramyndaǵy sanıtarlyq-epıdemıologııalyq baqylaý basqarmasynyń, ákimdik ókilderi, volonterler men polıtseıler bir táýlik ishinde 55 kásipkerlik nysanyn tekserip, 10 karantın rejımin buzý faktisin tirkepti.
«Nur-Sultan qalasynyń polıtsııa departamenti karantın talaptaryn buzǵany úshin jaýapkershilik qarastyrylǵanyn eskertedi jáne elorda turǵyndaryn sanıtarlyq normalar men áleýmettik qashyqtyqty saqtaýǵa shaqyrady. Mobıldik toptar karantın talabyn buzýshylardy anyqtaý úshin kúsheıtilgen rejımde jumys isteıdi», - delingen departamenttiń dereginde