Revolıýtsııadan bas tartýǵa shaqyra otyryp, N.Nazarbaev kósheli adamdarǵa oı salady - QSZI dırektory B.Sultanov
QR Prezıdenti janyndaǵy Qazaqstandyq strategııalyq zertteýler ınstıtýtynyń dırektory Bolat Sultanov Memleket basshysynyń bul kúnderi elordada ótip jatqan 5-shi Astana ekonomıkalyq forýmynda sóılegen sózine túsinikteme bere otyryp, osyndaı pikirin bildirdi.
"Prezıdent Nazarbaev aıtqan «Djı-Global» bes ustanymynyń ishki saıası jáne halyqaralyq mańyzy zor. Sondyqtan da álemdik aýqymdaǵy kez kelgen saıasatker bizdiń órkenıetimizge tónip otyrǵan jahandyq aýqymdaǵy qaterler men qaýipterden búkil adamzatty jáne órkenıetimizdi qutqarý úshin qazir sheshýge tıisti mindetterdi tap basyp aıtyp bere almaıdy», - dedi B.sultanov.
Sarapshy N.Nazarbaev kórsetken: «Revolıýtsııa emes, evolıýtsııa» dep atalatyn birinshi ustanymnyń ózektiligin erekshe atap ótti. B.Sultanovtyń pikirinshe, saıasatta jáne qoǵamdyq ómirde óz ornyn taba almaı, osy sebeppen halyqty radıkaldy is-qımylǵa shaqyratyn adamdar durysynda Prezıdent aıtqandaı, óz qabiletterin kórsetýdiń basqa joldaryn izdestirýi, ıaǵnı ǵylym men tehnıkada revolıýtsııa jasaýǵa kúsh salýy tıis.
B.Sultanov revolıýtsııalyq is-qımyldardyń nátıjesinde qoǵam keıinge sheginedi, óıtkeni ekonomıka men qoǵamdyq qatynastar shuǵyl ózgeristerge daıyn emes. Revolıýtsııa jaqsylyqqa aparmaıdy, qaıta odan mıllıondaǵan adamdar zardap shegip, qyrǵynǵa ushyraıdy. Sondyqtanda N.Nazarbaevtyń evolıýtsııalyq jolǵa shaqyrýy búgingi tańda burynǵydan áldeqaıda ózekti, dep atap ótti.
Ǵalym sondaı-aq N.Nazarbaevtyń beıbitshilikti saqtaý jolyndaǵy kúrestiń qajettigi týraly tezısiniń de mańyzdy jáne ózekti ekenin atap ótti. Ekinshi dúnıejúzilik soǵystan keıin paıda bolǵan búgilálemdik soǵysqa qarsy qozǵalys sońǵy onjyldyqtarda báseńdep ketti. Alaıda búkil álemde soǵystar júrp jatyr, sondyqtan da Birinshi dúnıejúzilkti soǵysty umytpaǵan, Ekinshi dúnıejúzilik soǵys zulmattaryn bastan ótkergen adamdar bastaǵan soǵysqa qarsy qozǵalysty qalpyna keltirý qajet.