Revansh bolmasa Golovkın kimmen judyryqtasady
14:38, 24 Naýryz 2018
ASTANA. QazAqparat - Promoýter Tom Lefflerdiń aıtýynsha, Saýl Alvares dopıngke baılanysty sporttan shettetilip, revansh bolmaı qalǵan kúnniń ózinde de Gennadıı Golovkınniń kelesi jekpe-jeginiń datasy 5 mamyr bolyp qala bermek, dep habarlaıdy Sports.kz.
Budan buryn meksıkalyq Nevada shtaty Atletıkalyq komıssııasynyń (NSAC) sheshimimen 10 sáýirge deıin ýaqytsha sporttan shettetilgen edi. Ol eki jylǵa deıin rıngke shyǵa almaýy múmkin.
«Komıssııanyń sheshimine qaramastan, Gennadıı 5 mamyr kúni báribir aıqasady. Tipti, «Kanelo» sporttan shettetilse de. Mundaı jaǵdaıda biz oǵan deıin eń jaqsy kýrsty tańdaımyz, biraq GGG 5 mamyrǵa daıyndalyp jatyr. Biz Bıllı Djo Sondersti nemese taǵy basqa sportshylardy qaraıtyn edik. Biraq, ol «Kanelo» bolady dep úmittenemin. Eger olaı bolmasa, biz barlyq nusqalardy salystyryp, HBO jáne MGM-men (T-Mobile Arena ıeleri) talqylaımyz», - dedi Leffler ESPN-ge bergen suhbatynda.