Revansh aldynda Golovkın qıyn jaǵdaıda qalýy múmkin

ASTANA. QazAqparat - Boks sarapshysy Shon Djons Boxingnews24.com saıtynda jarııalanǵan maqalasynda qazaqstandyq bylǵary qolǵap sheberi Gennadıı Golovkınge meksıkalyq Saýl Alvareske qarsy revanshy tıimsiz ekendigin jazdy, dep habarlaıdy Sports.kz.

«Shyntýaıtynda, Golovkınniń qolynan kóp nárse keledi deı almaımyn. Eger Golden Boy kompanııasyndaǵylar qazaqstandyqtyń qartaıýyn kútip nemese aqshany kóbirek kúrep alýǵa sheshim qabyldasa, Golovkın jalpy jaǵdaıǵa yqpal ete almaıtyndaı tyǵyryqqa tireledi. Onyń ústine, Leme eger Sondersti jeńip, WBO tıtýlyn alsa, «Kanelo» men De la Hoııa úshin odan da yńǵaıly jaǵdaı týyndaıdy, ıaǵnı olar sheshim qabyldaǵanǵa deıin Golovkınniń jasy kelip qalady. Golden Boy men «Kanelo» GGG men Lefflerdiń aldyna qalaǵansha talap qoıady. Eger qazaqstandyqtyń komandasy olardyń aıtqanyna júrmese, Alvares 5 mamyrda Golovkınmen revansh ótkizýdiń ornyna Lemege qarsy sharshy alańǵa shyǵa salady. Buǵan meksıkalyqqa WBO tıtýlyn jeńip alý múmkindigin qosyńyz.

Eger oqıǵalar bulaı órbıtin bolsa, «Kanelo» GGG-ge qarsy revanshty talapker emes, chempıon retinde ótkizý quqyǵyn beredi. Bul - revanshty Alvareske taǵy da qolaıly ete túsedi. Demek, Golovkınge túsetin qysym eselene bermek. Óıtkeni 5 mamyrda Alvares - Leme jekpe-jegi ótetin bolsa, GGG qaýipti qarsylas Djermall Charloǵa qarsy sharshy alańǵa shyǵýǵa májbúr bolady», - dep jazady Djons.