Revaktsınalaý uǵymy medıtsınada burynnan bar – dáriger pikiri
«Revaktsınatsııa jóninde sońǵy qaýly boıynsha bir ǵana sheshim qabylandy – azamattar 6 aıdan keıin qaıta vaktsınalanýy tıis. Oǵan deıin «Spýtnık» vaktsınasyn alǵandar 9 aıdan keıin, QazVac, Hayat, Sinopharm alǵandar – 6 aıdan keıin revaktsınatsııa jasaıdy dep aıtylatyn. Al qazir qandaı vaktsına alsa da, 6 aıdan keıin qaıta vaktsına salýǵa bolady. Qazirgi tańda revaktsınalaý úshin QazVac, Verocell, jáne 60 jastan asqandar men medıtsınalyq qyzmetkerlerge – Phizer vaktsınasy tegin qoljetimdi. Munda birinshi kezeńde qandaı vaktsına salynǵany mańyzdy emes», - dedi dáriger QazAqparat tilshisine bergen suhbatynda.
Mamannyń aıtýynsha, revaktsınalaý birinshi jáne ekinshi komponent vaktsınasynan qalyptasqan ımmýnıtet deńgeıin nyǵaıtý úshin qajet.
«Revaktsınalaý uǵymy koronavırýs kezinde paıda bolǵan joq. Mysaly jańa týǵan balalarǵa «AKDS» vaktsınasy eki aılyǵynda, úsh aılyǵynda, tórt aılyǵynda úsh ret salynady. Bir jarym jasynda birinshi revaktsınalaý jáne alty jasynda ekinshi revaktsınalaý bolady. Odan keıin 12 jáne 16 jasynda, keıin ár 10 jyl saıyn salynyp otyrady. ıAǵnı medıtsına úshin revaktsınatsııa uǵymy burynnan bar. Óıtkeni ýaqyt óte kele antıdeneler óz kúshin joǵalta bastaıdy, revaktsınalaý aǵzadaǵy umytylǵan antıdenelerdi qaıta jandandyrady», - dep túsindirdi spıker.
Jalpy vaktsınalaý kezinde koronavırýstyń ózi emes, bólshekteri, vırýs belogy aǵzaǵa engiziledi. Immýnıet onymen jaqsy tanysyp, bógde zatqa aldyn ala antıdene qura bastaıdy. Aýrýdyń jeńil ótýi osyǵan baılanysty. Al vaktsınalaý men revaktsınalaýdy qunttamaı júrgenderdiń azǵasyna vırýs beıtanys bolady, antıdene túzilgenshe vırýs ókpelerdi zaqymdap úlgeredi.
«Edpıdemıologtardyń boljaýynsha, aýrýdyń sharyqtaý shegi naýryz aıynda baıqalýy múmkin. Bul týraly el arasynda qaýeset bar, dárigerler aldyn aldyn ala qaıdan joramal jasaıdy, ózderi vırýs shashatyn shyǵar degen oılar bar. Vırýs tek tiri aǵzada ǵana ómir súredi, ony taǵam nemese basqa zat arqyly shashý múmkin emes. Adamzattyń ózi de ondaı sharaǵa barmaıdy. Al mamandar álem boıynsha ahýaldy, elderdi, málimetterdi saraptap, matematıkalyq algorıtm arqyly osyndaı joramaldardy jasaıdy. Biz de aýrýdy jeńip, kúndelikti jumysymyzǵa oralýdy armandaımyz. Óıtkeni, dárigerler arasynda da aýrýshańdyq kóbeıdi, bizdiń aýrýhanaǵa kúnine 100 adamnan PTR oń nátıjesi anyqtalyp jatyr. Ádette bul kórsetkish 20-30 dan aspaıtyn. Sol úshin mobıldi toptar jumyldyrylyp, 24 saǵattyq jumys rejımine aýysty. Sondyqtan, halyqty saqtyq sharalaryna shaqyrý óte mańyzdy», - dedi Zamıra Borlyqbaeva.
Buǵan deıin Z. Borlyqbaeva «Omıkron» shtamynyń basty belgileri – býyn men bulshyqettiń qaqsap aýyrýy, álsizdik pen qurǵaq jótel ekenin aıtqan edi.