«Revaktsınatsııadan keıin adamdar «omıkron» shtamyn juqtyrady» - feık

NUR-SULTAN. QazAqparat - Keıbir áleýmettik jelilerde COVID-19-ǵa qarsy revaktsınatsııadan ótpeýge shaqyrǵan habarlamalar taratylýda. Aıtylýynsha, býsterlik vaktsına alǵandardyń barlyǵy SARS-CoV-2 koronavırýsynyń «omıkron» nusqasyn juqtyrady. QazAqparat stopfake.kz saıtyna silteme jasap habarlaýynsha, bul málimdeme tolyǵymen negizsiz jáne ǵylymı málimetterge qaıshy keledi.

COVID-19-ǵa qarsy revaktsınatsııa, qazirgi málimetterge sáıkes, «omıkron» nusqasyn juqtyrýǵa yqpal etpeıdi, kerisinshe odan jáne aýrýdyń aýyr aǵymynan qorǵaıdy.
AQSh aýrýlardy baqylaý jáne aldyn alý ortalyǵynyń (CDC) zertteýine sáıkes, Pfizer-BioNtech jáne Moderna vaktsınalarynyń býsterlik dozalary naýqasty aýrýhanaǵa jatqyzbaý turǵysynan 90% tıimdi jáne jaǵdaılardyń 82% syrqattyń aýyr túriniń damýyna jol bermeıdi.
CDC málimetteri boıynsha, 50 jastan asqan egilmegen adamdar úshin COVID-19 juqtyrǵan jaǵdaıda aýrýhanaǵa jatqyzý yqtımaldyǵy vaktsınalanǵan jáne revaktsınalanǵan adamdarǵa qaraǵanda 45 ese joǵary.
Pfizer jáne BioNTech kompanııalary 2021 jylǵy jeltoqsan aıynda júrgizgen zerthanalyq zertteýlerde vaktsınanyń býsterlik dozasy koronavırýstyń «omıkron» nusqasyn juqtyrýdyń aýyr túrimen aýrýdyń, aýrýhanaǵa jatqyzý men aýrý saldarynan bolatyn ólimdi boldyrmaýda asa tıimdi ekendigi kórsetilgen.
«Revaktsınalanǵan adamdar «omıkrondy» juqtyratynyn rastaıtyn dálelder joq.
Demek, bul týraly aqparat tolyǵymen negizsiz jáne zertteý nátıjelerine qaıshy keledi», - delingen saıtta.