Revaktsınatsııa úshin Pfizer ekpesiniń 500 myńnan astam dozasy satyp alynady

NUR-SULTAN. QazAqparat – Óńirlerde koronavırýsqa qarsy vaktsınanyń 4 mıllıonnan astam dozasy qalǵan. Bul jaıynda QR Densaýlyq saqtaý mınıstrliginiń baspasóz qyzmeti málim etti, dep habarlaıdy QazAqparat tilshisi.

Koronavıýrs ınfektsııasynyń el aýmaǵynda taralýyna jol bermes úshin 2022 jyly 3,5 mln doza vaktsına satyp alynǵan (Sinopharm – 2 mln, QazVac – 1,5 mln doza). Onyń ishinde óńirlerge 2,9 mln doza jóneltilgen. Sondaı-aq, biryńǵaı dıstrıbıýtordyń qoımasynda 594 myń doza saqtaýly tur. Osynyń bárin eskersek, qazir óńirlerde QazVac, Komırnatı, CoronaVac, Sinopharm, Hayat ekpeleriniń 4,1 mıllıonnan astam dozasy qalǵan», - dep jazylǵan vedomstvonyń QazAqparat saýalyna joldaǵan jaýabynda.

Mınıstrliktiń baspasóz qyzmetiniń aqparaty boıynsha, óńirlerge «Spýtnık Laıt» vaktsınasynyń 150 myń dozasy aqysyz negizde joldanǵan.

«Sonymen qatar, VAK-tyń 27 sáýirdegi qaýlysy boıynsha jyl aıaǵyna deıin vaktsınalaýǵa jatatyn halyqtyń 75 paıyzyn ekpemen qamtamasyz etý úshin «Komırnatı» ekpesiniń 500 myń dozasyn jáne QazVac vaktsınasynyń 1 mln dozasyn satyp alý kózdelgen», - dep jazylǵan jaýapta.

Sońǵy derekter boıynsha, Qazaqstanda Pfizer vaktsınasyn 839 432 jasóspirim saldyrdy.