Revaktsınatsııa koronavırýs juqtyrý yqtımaldyǵyn 11 ese tómendetedi - zertteý

ALMATY. QazAqparat- Almaty qalasy №15 emhanasynyń pedıatr-dárigeri Móldir Ákimjan óńirlik kommýnıkatsııalar qyzmetiniń alańynda aıtty, dep habarlaıdy QazAqparat tilshisi.

Spıker brıfıng barysynda, revaktsınatsııaǵa qatysty halyqaralyq tájirıbeni mysalǵa keltirdi.

«Izraıl – halyq ekpe salyp, epıdemıologııalyq ahýaldy turaqtandyrǵan alǵashqy elderdiń biri. Alaıda, jazda jańa «delta» nusqasynyń paıda bolýymen adamdar qaıtadan juqtyra bastady. Sodan keıin ǵalymdar men dárigerler vaktsınanyń ekinshi dozasynan keıin 6 aıdan keıin ımmýnıtet anaǵurlym juqpaly «delta» nusqasynyń paıda bolýy aıasynda aıtarlyqtaı tómendegenin anyqtady. Nátıjesinde Izraıl revaktsınatsııa týraly sheshim qabyldady», - dedi pedıatr.
Sonymen qatar, ol revaktsınatsııa aıasynda Izraılde júrgizilgen zertteý derekterimen bólisti.
«Zertteýge 60 jastan asqan 1 mln astam adam qatysty. Olardyń barlyǵy vaktsınanyń eki komponentin 2021 jyldyń 1 naýryzyna deıin alǵan. Keıin olardyń barlyǵy qaıta vaktsınalandy. Úshinshi ekpe KVI qaıta juqtyrý yqtımaldyǵyn 11 esege, al aýyr aǵymdy 15 esege tómendetkeni anyqtaldy», - dedi Móldir Ákimjan.
Dáriger barlyq almatylyqtarǵa KVI vaktsınasynyń eki komponentin de alýǵa, al ekpeni tolyq alǵandarǵa revaktsınatsııadan ýaqytyly ótýge keńes berdi.