Respýblıkashyldar Trampty AQSh prezıdenttigine kandıdat etip usyndy

<p>ASTANA. KAZINFORM&mdash;Donald Tramp búkil álemdi dúr silkindirgennen keıin ertesinde AQSh prezıdenttigine kandıdat retinde usynyldy. Vıtse-prezıdenttikke kandıdat retinde ol senator Djeıms Devıd Vensti tańdady, dep jazady <a href="https://ru.euronews.com/2024/07/15/trump-names-jd-vance-as-vice-president" target="_blank" rel="noopener">Euronews.</a></p>

Respýblıkalyq partııa, jospardaǵydaı Mılýokıdegi ulttyq konventsııa barysynda Donald Trampty AQSh-taǵy 5 qarashadaǵy prezıdenttik saılaýǵa kandıdat retinde usyndy. Ol delegattardyń 2400 daýysynyń jartysynan kóbin jınady jáne beısenbide partııa sezinde sóılegen sózinde bul mıssııany qabyldaıtynyn resmı túrde jarııalaıdy.

Buǵan deıin Tramp Ogaıo shtatynyń respýblıkalyq senatory Djeıms Devıd Vensti AQSh vıtse-prezıdenttigine kandıdat etip tańdaǵanyn habarlady.

«Kóp oılanyp, basqa da kóptegen úmitkerlerge qaraı otyryp, men AQSh-tyń vıtse — prezıdenti laýazymyna eń laıyqty adam Ogaıo shtatynyń senatory Djeıms Devıd Vens dep sheshtim», — dep jazdy Tramp Truth Social-daǵy jazbasynda.

Qazirgi prezıdent Djo Baıden Tramptyń bul tańdaýyna túsinik bere otyryp, X áleýmettik jelisinde Djeı Dı Venstiń qarapaıym jumysshylar týraly kóp aıtatynyn, biraq shyn máninde Tramppen birge orta taptaǵy otbasylarǵa salyqty kótergisi keletinin, sonymen birge baılarǵa salyqty tómendetýge umtylatynyn jazdy.