Respýblıkashyldar AQSh-tyń Ókilder palatasynda jeńiske jetti

<p>ASTANA.KAZINFORM - Respýblıkashyldar &nbsp;az &nbsp;ǵana basym daýyspen AQSh-tyń Ókilder palatasyn baqylaýdy saqtap qaldy, osylaısha Vashıngtondaǵy barlyq bılik tetikteri qaıta saılanǵan prezıdent Donald Trampqa berildi, dep habarlaıdy <a href="https://www.nbcnews.com/politics/2024-election/republicans-win-house-majority-trump-party-senate-control-rcna179231" target="_blank" rel="noopener">NBC News.</a></p>

Respýblıkashyldar baqylaıtyn Kongress Donald Trampqa mınıstrler kabınetin jáne basqa da joǵary ákimshilik laýazymdaryn jınap, kún tártibin alǵa jyljytýǵa múmkindik beredi. Sársenbi kúngi jaǵdaı boıynsha respýblıkashyldar Ókilder palatasyndaǵy 435 orynnyń 218-in jeńip alsa, demokrattar 208 orynǵa ıe boldy.

Ótken aptada respýblıkashyldar Senattaǵy saıası qarsylastaryn yǵystyryp, 100 orynnyń 52-sine ıe boldy, al demokrattar 47 orynǵa ıe boldy.

Ókilder palatasyndaǵy az ǵana jeńis respýblıkashylar úshin óte mańyzdy, óıtkeni olar demokratııalyq qoldaýsyz iri saıası bastamalar men zańnamalardy qabyldaý múmkindigine ıe bolady.

Esterińizge sala keteıik, demokrattar ókili, qazirgi prezıdent Djo Baıden men AQSh-tyń jańa saılanǵan prezıdenti respýblıkashyl Donald Tramp Aqúıde kezdesip, eki saǵatqa jýyq suhbattasqan bolatyn. 

Buǵan deıin Tramp óziniń bolashaq ákimshiligine alǵashqy taǵaıyndaýlardy jarııalady, Pentagon men TsRÝ basshylaryn atady jáne Maskqa úkimettiń tıimdilik departamentin basqarýdy usyndy, sonymen qatar AQSh Memlekettik departamenti men Ulttyq barlaý basqarmasynyń basshylaryn taǵaıyndady.