Respýblıkanyń úzdik 500 oqýshysy Prezıdenttik ekskýrsııaǵa attandy
Ekskýrsııa aıasynda balalar Memleket basshysynyń qyzmetimen tyǵyz baılanysty oryndarǵa saıahat jasaıdy. Atap aıtqanda, 30 qazan - 4 qarasha kúnderi Aqmola, Qaraǵandy jáne Pavlodar oblysynyń jas órenderi elordaǵa keledi jáne Jambyl, Ońtústik Qazaqstan, Almaty oblysynyń balalary Almaty men Úshqońyrǵa barady.
Aıtýly saıahatqa Qazaqstannyń 6 óńirinen 13-17 jas aralyǵyndaǵy 480 oqýshy jınaldy. Astanaǵa kelgen jas saıahatshylar QR Tuńǵysh Prezıdenti - Elbasy qoryn, kitaphanasyn jáne mýzeıin, Beıbitshilik jáne kelisim saraıyn, «Astana-Báıterek» monýmentin jáne Nazarbaev Ýnıversıtetin aralaıdy.
«Sizder - Qazaqstannyń keleshegisizder. Bul saıahatqa Sizderdi arnaıy iriktep jiberýi de tegin emes. Memleket basshysynyń ómir jolyna qyzyǵýshylyq tanytatyndaryńyzdy bilemin jáne búgin táýelsiz Qazaqstannyń alǵashqy jyldary qalaı ótkenin, el astanasyn aýystyrý týraly mańyzdy sheshimderdiń qalaı qabyldanǵanyn kórý múmkindigi týyp tur», - dedi QR Tuńǵysh Prezıdenti - Elbasy qorynyń atqarýshy dırektorynyń keńesshisi Álııa Qaısharova QR Tuńǵysh Prezıdenti - Elbasy kitaphanasyna kelgen oqýshylarǵa.
Óz kezeginde, Almatyǵa attanǵan balalar Elbasy bilim alǵan Qarasaı batyr mektebine, QR Tuńǵysh Prezıdentiniń mýzeı-úıine, Almaty oblysyndaǵy «Batyr babalar» memorıaldyq keshenine jáne Ortalyq memlekettik mýzeıge barady.